XL-BYG Arctic Import aamma Scantruck nivattaassuarnik, usilersuutinik, dumperinik assaassutinillu Sisimiuni aatsitassarsiornermut atuarfik pilersorpaa. Kalaallit Nunaanni entreprenørinngorumaartut aatsitassarsiorfinnilu sulilerumaartut qaarsut qaqqallu maskinat XL-Byg Arctic Import aamma Scantruck-imeersut atorlugit passunnissaat ilikkassavaat.

XL-BYG Arctic Import aamma Scantruck nivattaassuarnik, usilersuutinik, dumperinik assaassutinillu Sisimiuni aatsitassarsiornermut atuarfik pilersorpaa.

Kalaallit Nunaanni entreprenørinngorumaartut aatsitassarsiorfinnilu sulilerumaartut qaarsut qaqqallu maskinat XL-Byg Arctic Import aamma Scantruck-imeersut atorlugit passunnissaat ilikkassavaat.

Ingerlatsiviit taakkua Sisimiuni Sanaartornermu atuarfimmut qanittukkut Komatsu-maskinat pingasut nassiunnikuuvaat, ungasinngitsukkullu suli ataaseq aammalu Valtra-traktori illoqarfimmut tassunga aamma nassiuttussaavoq.

Maskinat taakkua tallimat atuarfiup ujaqqerinermut qaartiterinermullu immikkoortortaani, taaneqartartumi Ujaqqirinermut ilinniarfik, atortulersuutini aallaaviussapput. "Immikkoortortaq taanna Kalaallit Nunaanni kisiartaavoq, tassalu taanna ukiuni kingullerni annertuumik nunarsuarmi nunat avannarlersaanni annertuumik ujarassiornikkut suliffissuaqaleriartornerup kinguneraa" taama oqarpoq XL-BYG Arctic Import-imi salgschef Peter Bertelsen.

Aatsitassarsiornikkut suliffissuarmi sulinissamut ilinniarnerup ilaa entreprenørmaskinanik ingerlatitsisinnaanermut ilinniarnermik ilaqarpoq. Tamanna siusinnerusukkut Danmarkimi pisaraluarpoq, tappavanili ilinniartut issup nunamernillu ingerlannissaat ilikkartarpaat. Tamannali iluaqutaavallaartussaanngilaq ujaqqanik qaqqanilu sulinermik ingerlatsissagaanni.

Fullline-sortiment

"Ilami aamma atuarfimmi atuartut sapaatip akunneri arlalikkuutaarlugit Danmarkimiitittassagaanni akisoorujussuussaaq. Taamaattumik Sanaartornermut Ilinniarfik aalajangersimavoq namminerisaminik maskinanik assigiinngitsunik peqarniarluni taamaalillutik pikkorissarnerit assigiinngitsut tamaasa nammineq ingerlassinnaassagamikkit", salgschef oqarpoq.

Komatsu atorniarlugu aalajangernikkut atuarfiup maskinprogramimik pisariaqartitaminik tamakkiisumik atuisinnaalernissani qularnaarniarpaa. Taamaalilluni atuarfimmi ilinniartut ajornannginnerusumik ulluinnarni atuinissamut aserfallatsaaliinermullu aammalu maskinat misissorneqartarnissaannut aserfallatsaalinissaannullu periarfissaqassaaq.

"Komatsu nunarsuarmi entreprenørmaskinaliorfiit annerpaartaasa tulleraa fullline-sortement-eqarmaramilu maskinat assigiinngitsunut atugassat tamaasa pigalugit. Komatsu aamma tunisassiortutuaavoq pitsassuarmik nutaaliaasumik Komtrax-imik alaatsinaassuteqartoq, taamaalilluni allaffimmit aninngikkaluarlunimaskina malittarineqarsinnaalluni maskinalu misissorneqartariaqarnersoq qanoqlu atorluarneqartiginersoq maluttarineqarsinnaalluni", salgschef Henrik Kirketerp-Møller, Scantruck, oqarpoq.

Suleqatigiilluarneq

Scantruck Danmarkimi Savalimmiunilu Komatsu-nik tikerartitsisuullunilu tuniniaasuuvoq aammalu XL-BYG Arctic Import suleqatigalugu kalaallit niuerfiini pisariaqartitsineq pilersugaralugu.

"XL-BYG Arctic Import-ip Kalaallit Nunaanni pissutsit ukiorpassuarni malittaralugillu misilittagaqarfigai, taamaattumik suleqatigiinnerup ingerlateqqinnissaa nuannaarluta isumagivarput, soorlu aamma maskinanik ingerlatsivimmik massakkut uninnikumik, KFD A/S-imik, siornatigut Komatsu-mik Danmarkimi ingerlatsisuusimasumik suleqateqarsimagaluartut", Scantruck-salgschefen oqarpoq.

Sanaartornermut Ilinniarfik Sisimiuniittoq siusinnerusukkut assaammik PC 210LC-7 usingiaammillu WA80-5-imik pissarsinikuuvoq. Massakkullu dozere D51PX-22, assaassut WB97S-5, dumpere HM250-2-dumper usingiaallu WA380-6 pisiarai. Maskinat Aalborgimiit umiarsuarmik Sisimiuliaanneqarput.