Kalaallit Nunaata avannarpasinnerpaartaani Citronenfjordenimut inuussutissanik pequtinillu pilersuinikkut Arctic Group oqaluttuarisaanini suli kapitalimik ilaqqippaa, tassami nunarsuarmi tikikkuminaannerpaanut taanna ilaammat.

Citronfjorden ujarassiorfimmi 25-nik sulisoqarpoq australiamiut ingerlatsiviata Ironbark-ip nunap iluani mineralinik qaqutigoortunik ujarlerneranut atatillugu sap.ak. 12-ikkuutaarlugit sulisartunik.

Ukiumut ataasiaannarluni

Issittumi pissutsit pilersuisup assartuisinnaaneranut tunisassianillu ilisimasaqassusianut annertoorujussuarmik piumasaqaateqarput. Citronfjorden-imullu pilersuineq immikkorluinnaq ittunik piumasaqarpoq taajannami Kalaallit Nunaanni avinngarusimanerpaanut ilaammat.

Sikumut timmisartoq Herkules ukiumut ilivitsumut atortussanik pajulluni mittarpoq – aatsaallu aappaagunngorpat pajulluni uteqqittussaalluni. Qanittunnguakkut ilisimatuutut ilisimasassarsiorneq ukiumi ilivitsumi atortussanik, inuussutissanik, pequtinik, atortussanik, sannatinik, maskinanik il.il. pajunneqaqqammerput 2010-mi misissuisussat atortussaannik.

Atortussat nassiunneqartut Kalaallit Nunaata avannaarpiarsuanut apuutsinnatik ungasissorsuarmiit aggiunneqartariaqarsimapput. Lasbilit atorlugit nassiussat Aalborgimi Grønlandshavnimiit Norgip avannaani Tromsømut assartorneqarsimapput. Tassanngaanniit tamakkua Svalbardimi illoqarfimmut Longyearbyen-imut umiarsuarmik ingerlanneqarput tassanilu Hekules-imut kingorna Citronenfjordip sikuanut mittumut usilersuunneqarlutik. Sikumiit qamutit larvefodillit atorlugit nassiussat tammaarsimaffimmut apuunneqarput.

Eqquilluarneq ataqatigiissaarinerlu

Inuussutissanik pilersuisutut Arctic Group-imut piumasaqaatit sakkortoqaat. Nassiunneqartummi suunissaannik eqquilluarneq aammalu nassiussinerup ataqatigiissaaneqarnera nassiussinerup iluatsilluarnissaanut apeqqutaalluinnarput.

Arctic Groups-ip ukiuni 30-ni avinngarusimasunut pilersuinermik misilittagaqarnera pisiniartumut pingaarutilerujussuuvoq. Pilersuinerup iluatsilluarnissaa aammalu nioqqutissanik ilisimasaqarluarneq Ironbark-imut pingaartorujussuupput, tassami Citronenfjord-imi aatsitassarsiorfimmi sulisunut 25-usunut tikiunneqartuut sunnerat ukiinissamut pingaarutilerujussuummata.

"Taamatut pilersuineqartillugu assartuinernut taamaattunut Arctic Group-ip passussisinnaassuneqarluartuunissaa pingaarluinnarpoq," Peter Freiesleben, Arctic Group-imi Direktøriusoq oqarpoq erseqqissarpaalu nioqqutissanik ilisimasaqarluarnermut ilanngullugu taamaattunik paasisimasaqarluarnerup ingerlatsivimmik suleqatitsialanngortitsisuusut.

Periarfissanik amerlanerusunik ujartuineqarpoq

Ironbark-ip aamma Arctic Group-ip atassuteqarnerat siorna pilersinneqarpoq ukiut tamaasaartumik aatsitassarsiornermut tunngatillugu toronto-mi saqqummersitsinermi PDAC-mi. Tassani pisinnaasat, misilittakkat pisariaqartitsinerillu saqqummiussuunneqarlutillu paarlakaassorneqarput.

Ukioq mannattaaq Arctic Group Torontomukaqqinniarpoq suleqatissanik, assigiinngitsunik, gumminiit entreprenørmaskinanut, inuussutissanik pequtinillu pisariaqartitsisunik allanik ujarlerluni.